ສະມາຄົມພຣະຄຳພີສາກົນ United Bible Societies (UBS) ກໍ່ຕັ້ງຂຶ້ນໃນປີ 1946, ເປັນຊື່ທີ່ໃຊ້ເອີ້ນສຳລັບກຸ່ມສະມາຄົມພຣະຄຳພີທີ່ມີ 147 ສະມາຄົມໃນ 200 ປະເທດ ແລະໃນຂົງເຂດຕ່າງໆ. ສະມາຄົມພຣະຄຳພີໄດ້ມີສ່ວນຮ່ວມພັນທະກິດຮ່ວມກັນໃນການນຳໃຊ້ພະຍາກອນທີ່ພຣະເຈົ້າໄດ້ມອບໃຫ້ຢ່າງມີປະສິດຕະພາບເພື່ອໃສ່ຖ້ອຍຄຳຂອງພຣະເຈົ້າໄວ້ໃນຫົວໃຈ ແລະຄວາມຄິດຂອງຄົນຜູ້ທີ່ພວກເຂົາຮັບໃຊ້ຢູ່.

ມີປະຫວັດສາດຫລາຍກວ່າ 100 ປີຂອງການຈັດຕັ້ງວຽກງານພຣະຄຳພີໃນປະເທດລາວ. ຍ້ອນກັບໄປໃນປີ 1902. ໃນຊ່ວງເວລານັ້ນ, ວຽກງານພຣະຄຳພີໃນປະເທດລາວເປັນສ່ວນໜຶ່ງຂອງສະມາຄົມພຣະຄຳພີອິນໂດຈີນ (ເປັນສາຂາໜຶ່ງສະມາຄົມພຣະຄຳພີແຫ່ງອັງກິດ ແລະສາມະຄົມພຣະຄຳພີຕ່າງປະເທດ).

ຕໍ່ມາ, ສະມາຄົມພຣະຄຳພີໃນປະເທດລາວແມ່ນໄດ້ຖືກກໍ່ຕັ້ງຂຶ້ນໃນປີ 1966 ແຕ່ໄດ້ຢຸດຕິລົງໃນປີ 1975. ໃນປະຈຸບັນ, ຂະນະທີ່ມີບໍ່ມີສະມາຄົມພຣະຄຳຢ່າງເປັນທາງການພາຍໃນປະເທດ. ຢ່າງໃດກໍຕາມ, ການແປພຣະຄຳພີ ແລະການພະລິດຍັງຄົງສືບຕໍ່ໂດຍຜ່ານການຮ່ວມມືລະຫວ່າງສະມາຄົມພຣະຄຳພີສາກົນ ແລະຄຣິສຕະຈັກທ້ອງຖິ່ນ. ທີມງານຂອງພວກເຮົາໃນນະຄອນຫລວງວຽງຈັນຍັງຄົງສືບຕໍ່ຮັກສານິມິດອັນດຽວກັນກັບຜູ້ທີ່ໄດ້ເຮັດໜ້າທີ່ນີ້ມາກ່ອນ ແລະ ກັບເພື່ອນຮ່ວມງານຂອງພວກເຮົາຈາກທົ່ວໂລກ ເພື່ອເຮັດໃຫ້ຖ້ອຍຄຳຂອງພຣະເຈົ້າສາມາດເຂົ້າເຖິງທຸກໆຄົນ.